Values Month Celebration

            Ang tema ng “Filipino Values Month” ngayong taon ay “Pamilyang Pilipino Patatagin: Susi sa Kabataang Maka-Diyos, Makakalikasan, at Makabansa.” Nais bigyang pansin ng temang ito ang pagiging responsable sa pakikipagkomunikasyon sa ating pamilya at maging sa ating kapwa-tao. Pamilya, sila yung yaman na hindi kayang tumbasan ng pera.

 pamilya ay talagang isang mahalagang salita sa bawat tao. Sila ay regalo na ibinigay sa atin ng Diyos. Sa pamilya nagsisimula ang pakikipag-ugnayan sa iba. Sa pamilya rin nagmumula ang pakiramdam na pagiging ligtas, pagkakaroon ng mga taong maaasahan at maaari mong ibahagi ang iyong mga problema. At sa kabilang dako, nangangahulugan din ito na mayroong paggalang at responsibilidad sa bawat isa.

Ang kahalagahan ng pamilya ay tunay na pag-ibig at pagkakaroon ng isang taong laging naroon para sa iyo, maging sa magagandang panahon o kapag nakaranas ng kasamaang palad. Sa loob ng pamilya, mayroong pag-unawa, pag-asa, ginhawa, payo, moralidad, mithiin, at pananampalataya. Ang mga bagay na ito ay mahalaga sapagkat ito ay nakakadulot ng seguridad at kasiyahan ng loob kahit anong mangyayari sa buhay.

Tayong mga Pilipino ay kilalang mga makapamilyang tao. Sa madaming punto ng ating buhay ang pamilya ang ating kasangga. Ang pamilya ay isa sa mga humuhubog sa ating pagkatao kaya nararapat lamang na maging maka Diyos, makatao, makakalikasan at makabansa ang ating mga ka- pamilya sa ganun ay lalaki din tayong taglay ang mga katangiang iyon. Ayon sa ating pagkakaalam, ang pamilya ang pinakamaliit nay unit ng pamayanan. Dito nagsisimula ang lahat ng mga natututunan ng bawat isa sa atin. Dito sa pamilya nahuhubog ang ating pagiging maka-Diyos; dito sa pamilya nahuhubog ang ating pagiging makatao; dito sa pamilya nahuhubog ang ating pagiging makakalikasan; at dito sa pamilya nahuhubog ang ating pagiging makabansa.

https://media.philstar.com/images/articles/life2-family-food-faith-friends_2018-07-28_21-43-01.jpg